مشاريع قيد الإنجاز

vision2020

رؤية للثراث الثقافي 2020

vision2020

دعم المشاريع الثقافية 2018

da3m

مجلة الإحصائيات الثقافية

revue statist2013 2015

وجدة عاصمة الثقافة العربية2018

oujda2018min1

مؤسسـات تحـت الوصايــة

bnrm logo archive logo theatre logo

معاهـد التكـويـن

inba logo isadac logo insap logo

دلا ئــــــــــــــــل

biblio guide2 festiv guide2 salles guide2 salles guide2

المعرض الدولي للنشر والكتاب

siel23

بطـاقـة الفـنــان

carteartiste15

مراد القادري: صومعة سيدي ربـي (زَجـل)

morad_kadiri

مـراد القادري


1-
عْـلى سـَلـْك  دْ  التـّـَصْـبـِينْ
ها أنا مَصْلـُوبْ
نْغـوَّتْ
وَلا َبانتْ  شـِي  نَجْمَه
ولا شِي  ضايَه  دْ  الـمَا
بانتْ بْـعِيدْ،
غـِيرْ الصْـدَا وْ لحْدِ ِيدْ
وْ لكْلاكْسـُونْ،
غَوتـت ، عَـيـّطْت فْ التِـليفـُونْ
شَيـّرِِِِِِِِِِتْ
بْـصـُوتِي...و بْ يـدِيـّا:
"هـِيه.ْ.. هِـيه.ْ..
ياللِـّي لْهـِيهْ
هـَزْ عِينيكْ...شُـوفْ  فِيَّا
هَانَـا،
كِ نخلة ْ مـُولانا ... مَصْـلـُـوبْ
فـُوقْ السْطَـَح.... اللِـّي بْلا مَـرْطـُوبْ
وْحْدايا،منْ جيهةْ لـِمِينْ  
فـُوُقْ حْبـلْ  دْ  التَّصبـِين.... سَرْوالْ
و  عْ  الشْمال، كـَبـّـُوط ْ
بْحالِي  مقبـُوط ْ....للْـسّـلـك ْ
هِـيهْ ...هِـيه.ْ..
يا  اللـِّي  لِهيه.ْ.. "
نغــوّتْ
و يـرْجعْ الـصـُـّوتْ
فـَرّادِي... وْ يـْموُتْ
بـِين إيدِيّا
ولاَ حـَد ْ... هـَزْ عِينُـو فِيّا
و قال: أشْ كاينْ...؟
وهانا كنـْعايـِنْ
تـد’وزْ  شِي ريحْ
بْكـْفوُفـْها دْ الشِّيحْ
ترمـِيني لـتـُوبقالْ
أوْلا، فو’قْ دُوُكْ الجْبالْ
اللـِّي لْهيِهْ...مالـتْ
جنبْ نخْلة تافـِيلالتْ
نْطِيح.ْ.. واقـفْ  كِ صومْعة سِيِدي ربّـِي
بحا ل ْ اللاّ... عالـْيه وتعلـِّي
وأنا فوُقْ السّلـْك مْدلـِّي...

2-
عـْلى سلـْك  د ْ التـّصْبينْ ،فوُق سْطـَح بَـرَّانِي ، يَجـْرِيـوْ فـِيه لقـْطـُوط ْ
رانـِي للسّـلـْك مَرْبـُوط ْ
منشُورْ
والخاطـرْ مكْسُورْ
مَاجاتْ ريحْ... وَ لاَ جَايْحَه كـَحْلاَ
تهزْنِي ، ترمِيني لـْشِي  خْـلاَ
وْسا دْتي، ضْـفـِيـره مْ الشَّمسْ، وْخِيطـْها اللّـَـوْلانـِي
توشـْوِيـشْ المُوقـْنِيـنْ
حـْزامْ للاّ فاطِمة الزّهـْرا
ريحة ْ الكـمُونْ

AGENDA  بْ أرقامْ تـِلفُـونْ
اللـّي قراوْا مْعايا " قلْ أوُحيا"
و تهجّينا جْمِـيـعْ
صُوتْ بـُوجْميعْ
فْ الصّينية
وسادتِي، حـُومْـتي و اللـّي لـِياّ
طـلـّيتْ
كانْ السـُّورْ
قبـرْ و ياجُـورْ
وْ مسَامـرْ
وْ كانْ لخـْوا
وْ بـيّـَاعين الـرّغْـوَهْ
وْ المُوتْ
تـّاواوْ
مْع العنْكبـُوتْ... و تْخاواوْ
تدفـنّي فْ عـُشْها
كانتْ عتْبة اللـِّيلْ، حالـّة كَـرشْها
و لـكـْلاكـْسُونْ
طـُوط.ْ.. طـُوط..ْ. طـُوط ْ
و أنا

الفـُوقْ مرْبـُوط ْ
بْحالْ شي بـَطـلْ خـُرافِي
تـْسنـِيتْ يدْ الله... تـْجيبْ لِي نـِسـْكافـِي
تمــّنيتْ مْ الـما ... جـَغــْمهْ
تمنــّيتْ مْ السْما.... نـَجــْمهْ
تشهـّيتْ طـَجـِينْ بْ اللْحم ْمقـلـِّي
و أنا
منْ  فـُوقْ السلــْكْ مدلـِّي...

وزارة الثقافة المغربية @ 2009-2018